Лениногорскида яшәүче Хәйруллиннар гаиләсе алтын туйларын билгеләп үтте

автор, 3 ноябрь 2014 - 10:46

1095

Аны тантаналы рәвештә шәһәрнең ЗАГС бүлегендә балалары, оныклары, оныкчыклары, туганнары белән билгеләп үттеләр. Фәрит абый белән Гайшә апа, чып-чын туйдагыча, балдаклар алышты, котлау сүзләрен кабул итте, алтын туйлары уңаеннан таныклык һәм бүләкләр алды. Алтмыш ел буе иңен-иңгә куеп яшәгән әлеге хөрмәтле кешеләр икесе дә районыбызның Керкәле авылында туып , күршедә...

Алтмыш ел буе иңен-иңгә куеп яшәгән әлеге хөрмәтле кешеләр икесе дә районыбызның Керкәле авылында туып , күршедә генә яшәгән.

- Мин армиягә киткәндә кечкенә генә булып калган иде, кайтсам, чибәр кызга әйләнгән, "Мин сине беркемгә дә бирмим", - дип әйттем, ди. Берничә айдан өйләнештек тә, - дип искә алды Фәрит абый.

Нәкъ алтмыш ел элек, 4 ноябрьдә өйләнешәләр.

- Колхоз рәисеннән тарантаслы ат сорап тордык, шуңа утырып авыл урамнарын әйләндек. Аннан килен төшердек, ә анда туган-тумача җыелган, дип искә алдылар. Өйләнешүгә, шәһәргә күченеп, шунда яши башлыйлар. Фәрит абый гомере буе "Татбурнефть" идарәсенең автотранспорт цехында эшли, Гайшә апа Авиционный заводта слесарь хезмәтен башкара.

- Без бер - беребезне яратып, хөрмәт итеп, бер -беребезгә тугры булып яшәдек. Һәм шул хисләрне бүгенге көнгә хәтле саклый алдык - сере менә шунда, - ди Фәрит абый.