“Мәктәпкә әзерләнергә ярдәм ит” акциясе узды

Лениногорскида "Мәктәпкә әзерләнергә ярдәм ит" игелеклелек акциясе узды.

---

Ул безнең районда сигезенче ел үткәрелә. Быел шәһәр һәм районда I сыйныфка 803 бала барыр дип планлаштыра. Шуның 76сы - аз тәэмин ителгән, күп балалы гаиләдән. Аларга мәктәпкә бару өчен ярдәм бик тә кирәк. Оешма-предприятие, депутатлар, эшмәкәрләр көче белән балаларга мәктәп кирәк-ярагы тутырылган портфельләр тапшырылды. Район башлыгы Рәгать Хөсәенов булачак беренче сыйныф укучыларына изге теләкләрен җиткерде. "Татнефть" җәмгыяте генераль директоры исеменнән "Лениногорскнефть" идарәсе профком рәисе Миншакир Нуриев 100 мең сумлык сертификат тапшырды.