Лениногорск тулай торагында – янгын

Бүген иртәнге якта, 02 сәгать 48 минутта "01" телефонына тулай торак комендатыннан янгын турында хәбәр килә.

Шәһәрнең Агадуллин урамы, 4нче йорттагы тулай торакның 5 этажында бер бүлмәдә янгын чыга.

Зыян күрүчеләр һәм үлүчеләр юк. Янгын сүндерү хезмәткәрләре 25 кешене баскыч юлы буенча эвакуацияләгән. Өч кеше коткарылган, шуның икесе - балалар. Бүлмәдә 9 квадрат метр мәйдандагы әйберләр янган.

Янгынның беренчел сәбәбе - электр җиһазын кулланганда кагыйдәләрне дөрес үтәмәү. Бу хакта Лениногорск районы янгын күзәтчелеге инспекторы Андрей Галилеев хәбәр итә.

http://16.mchs.gov.ru/ фотосы