Керкәледә ашлык чистарту комплексының икенчесе эшли башлаячак

Быел исә икенчесе – сәгатенә 50 тонна бөртеклеләр киптерүче заманча комплекс сафка басты. Әлеге җайланма «Август-Лениногорск» агрофирмасында файдалануга тапшырыла. Ашлык, башлангыч торышына карап, җайланмада дүрт маршрут буенча узарга мөмкин.
Комплекс беренчел һәм икенчел эшкәртүнең чистарту машиналары, ашлык киптергечләре, конвейер җиһазлары белән җиһазландырылган.
Объектның үзенчәлеге – технологик процесслар тулысынча автоматлаштырылган.  Комплекс эшен читтән торып та контрольдә тотарга мөмкин. Әлеге ашлык чистарту комплексында бер оператор һәм ике слесарь эшли ала.

“Август-Лениногорск” җәмгыятенең генераль директоры Ирек Ягафаров сүзләренчә, икенче объектны эшләтеп җибәреп, предприятиенең бөртеклеләрне чистарту, киптерү һәм саклау буенча булган ихтыяҗны бетерәчәк.

Агымдагы елда “Август-Лениногорск” икмәк кабул итү пунктлары төзелешенә һәм реконструкциясенә 100 миллион сумга якын акча тотылган.