Лениногорск районында урып-җыюны башладылар

Лениногорск районында уракка төштеләр. Әлегә бер генә хуҗалык – “Август-Лениногорск” башлады. Хуҗалык уҗым бодаен суктыруга кереште. Аларның эш күләме зур, культуралар игелгән мәйданнар шактый. 

Бүген “Союз-Агро”ның Зеленогорский бүлекчәсе дә кырга чыгарга планлаштыра.

Быелгы уракта район аграрийлары каршында 23 мең 900 гектардан артык мәйданда бөртекле культураларны, 23 мең 100 гектардан артык мәйданда техник культураларны җыю бурычы тора. Комбайннар, техникалар алдан әзерлек үтте.

Узган атнада комбайннар парадында кыр корабларын тикшереп чыктылар. Зур ватылулар булмыйча, уракны уңышлы гына башкарып чыксыннар дип телибез.

фото: авыл хуҗалыгы идарәсеннән