Лениногорскида язгы кыр эшләренә әзерлек дәвам итә

автор, 11 апрель 2013 - 10:41

1081

Бүгенге көндә язгы кыр эшләрендә катнашачак техниканы агрегатлау эше тәмамланып килә. Әле бу юнәлеш буенча бар хуҗалыклар да әзер түгел. Елдагыча, кыр эшләренә керешер алдыннан Татарстан Авыл хуҗалыгы һәм азык-төлек министрлыгыннан вәкил килеп, техниканы тикшерү гадәте бар. Бу юлы министр урынбасары Тәлгать Таһирҗанов, инженер-механизация бүлеге әйдәп баручы киңәшчесе Фәрит Әхмәтов...

Лениногорскида язгы кыр эшләренә әзерлек дәвам итә

Бүгенге көндә язгы кыр эшләрендә катнашачак техниканы агрегатлау эше тәмамланып килә. Әле бу юнәлеш буенча бар хуҗалыклар да әзер түгел.

Елдагыча, кыр эшләренә керешер алдыннан Татарстан Авыл хуҗалыгы һәм азык-төлек министрлыгыннан вәкил килеп, техниканы тикшерү гадәте бар. Бу юлы министр урынбасары Тәлгать Таһирҗанов, инженер-механизация бүлеге әйдәп баручы киңәшчесе Фәрит Әхмәтов районның сигез хуҗалыгында булды. Яз барлык хуҗалыкка бер үк вакытта килсә дә, аларның әзерлеге генә төрлечә. Бүгенге эшне иртәгегә калдырмыйча, булсынга дип эшләүчеләр арасында "Лениногорская" агрофирмасы", "Сатурн-Урал" һәм "Ленин" җәмгыятьләре бар.

Тикшерү барышында хуҗалыклардагы машина-трактор паркының әзерлеге каралды. Комиссия аны югары балл белән бәяләде. Үсемлекчелек буенча орлыкларның сыйфатын карадылар, инкрустацияләү һәм орлыкларны һава-җылыту (воздушно-тепловой обогрев) ярдәмендә эшкәртү бурычы куелды. Шулай ук хезмәтне саклау турында сөйләшү булды. Чөнки хезмәт урынында имгәнүләр авыл хуҗалыгын да читләтеп үтми. Бигрәк тә чәчү һәм урып-җыю чорында күзәтелергә мөмкин.

Соңыннан комиссия әзерлек буенча хуҗалыкларга урыннар билгеләде. I урында - "Лениногорская" агрофирмасы", II урында - "Сатурн-Урал".

Тикшерү үткәч, икенче көнне "Сатурн-Урал"да чәчүгә әзерлек мәсьәләсе буенча семинар-киңәшмә узды. Сарабикколлылар, һәрвакыттагыча, эштә сынатмый. Техника, агрегатларны әзерләп, төзәтеп, семинарда катнашучылар хозурына тәкъдим итте. Мөмкинлекләре булгач, искегә генә ябышып ятмый. Соңгы елда хуҗалык яңа төрдәге биш чәчкеч, ике культиватор, өч трактор белән тәэмин ителгән. Шулай ук чәчүлек мәйданнарында еш очрап торган вак ташларны махсус җыю өчен техника алынган. Быел "Сатурн-Урал" хуҗалыгы каршында 3 мең 100 гектарда чәчүлек җирләрен эшкәртү бурычы тора.

Тикшерү узды, семинар үтте, дип тынычланырга иртәрәк. Механизаторларга кырга чыгар алдыннан техниканы тагын бер кат күздән кичерергә, ди белгечләр. Чәчү барышында өзеклек килеп чыгып, алтын вакыт әрәмгә узмасын иде инде. "Спартак агрофирмасы" һәм "Восходящая Заря" хуҗалыкларына эшне тизләтү кирәк.

Следите за самым важным и интересным в Telegram-каналеТатмедиа

Читайте новости Татарстана в национальном мессенджере MАХ: https://max.ru/tatmedia

Безнең Телеграм-каналга кушылыгыз: https://t.me/zamansulyshy

Оставляйте реакции

К сожалению, реакцию можно поставить не более одного раза :(
Мы работаем над улучшением нашего сервиса

Лениногорскида язгы кыр эшләренә әзерлек дәвам итә

Оставляйте реакции

Расскажите друзьям

Нет комментариев

Теги: полевые работы