Татарстан аграрийларына газ-моторлы комбайн күрсәтәчәкләр
14 сентябрь көнне Татарстан аграрийларына газ-моторлы “Палессе” КЗ-4118к комбайнын тәкъдим итәчәкләр. Бу хакта “Менделеевск” мәгълүмат үзәге хәбәр итә.
Авыл хуҗалыгы хезмәтчәннәре өчен Татарстан Республикасы Авыл хуҗалыгы һәм азык-төлек министрлыгы вәкилләре катнашында семинар узачак. Чараның максаты – комбайн һәм аның эшчәнлеге белән танышу.
Хәзер Менделеевск районында дөньяда аналогы булмаган “Палессе” КЗС-4118к газ-моторлы комбайн кыр сынаулары уза. Бердәнбер машина Белорусиядән кайтартылган. Сынау нәтиҗәләре буенча газ-мотор ягулыгында эшләүче комбайннарны эксплуатацияләү өлкәсендә алга таба хезмәттәшлек итү буенча протоколны имзалау планлаштырыла.
Район башлыгы Валерий Чершинцев сүзләренчә, табышны аңлатып тору кирәкми: солярканың литры 40-42 сум тора, газ-мотор ягулыгы – 16 сум.
Бу хакта тулырак: https://tatar-inform.tatar/news/2018/09/12/171421/
Фото: mendeleevskyi.ru
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев