Мичурин балалары каникулны урамда уйнап үткәргән (ФОТОЛАР)

Күптән түгел Мичуринда клуб һәм китапханә хезмәткәрләре белән берлектә “Кышкы уеннар” дигән чара үткәрелде. Урамда, клуб каршына шактый балалар җыелды. Алар ике командага бүленеп, “Чур, минеке!”, “За покупками”, “Чаңгыда”, “Кто на гору?”, “Вышибалы”, “Чехарда”, “Карлы” уеннары уйнады.

Соңыннан командаларга төсле су тутырылган шешәләр бирелде һәм алар “Кышны бизә” конкурсында катнашты. Төрле, матур рәсемнәр ак карда барлыкка килде.

Балаларга татлы призлар тапшырылды.

Фотолар: Сания Вахитова