Элвин Грейның өйләнүе хакында сүз чыкты

автор, 28 октябрь 2019 - 15:58

1219

Татар эстрадасының иң популяр буйдаклары исемлегенә керүче артист Элвин Грейның (Радик Юльякшин) «өйләнүе» хакында имеш-мимешләр йөри.

Күптән түгел Уфа моделе Диана Хәкимҗанова үзенең Радик белән бергә төшкән фотосын урнаштырды. Бу гади генә фото түгел, биредә Диана җырчының битеннән үбеп төшкән һәм «Иң шәп көн иң шәп Элвин Грей белән», – дип язып куйган.

Фото астындагы комментарийларга матур парны котлау сүзләренә күмгәннәр һәм Дианага «Сез күптән бергәме?» дигән сорау биргәннәр. Диана Радик белән инде 2 ел бергә булулары хакында язган.

Әллә меңләгән кызларның йөрәген яулаган артистның йөрәге буш түгелме? Әллә Радик бөтенләй өйләнгән!? Бу мәгълүмат әлегә сер булып кала.

Автор: А.Галимова

Фото: Инстаграм @diana_hakimyanova

http://www.sahne.ru/kheberler/13331.html