Күк җиләк - голубика ( җимешләрен җыярга).
Ашкайнату эшчәнлеген яхшырта, кан әйләнешен көйли, кан тамыры-йөрәк авыруларынкисәтә, эчәлкәрне чистарта, ашказаны асты бизенә зур ярдәм итә. 

Кандала үләне – донник  ( үләнен җыярга).
Антисептик, антибактериаль үзлеккә ия. Авыз куышлыгы, тән тиресе бозылганда, бетчәләргә каршы кулланыла. Сулыш юлларына да файдасы зур. Авыртуны баса. Яраларны төзәтә. Йөткерү, бронхит, салкын тию, грипп вакытында кулланалар. 

Меңьяфрак – тысячелистник (яфрагын җыярга).
Бөрештерүче, бәвел һәм тир кудыру үзлегенә ия. Матдәләр алмашын көйли. Кан йөрешен яхшырта, канны чистарта. 

Сары мәтрүшкә  ( үләнен җыярга) .
Күз күремен яхшырта, ирекле радикаллар йөрешен көйли, микробларга каршы көрәшә, салкын тигәндә файдалы.

Җир җиләге  ( җимеше, яфракларын җыярга)
Матдәләр алмашын көйли, эч кибүне булдырмый, гастрит, язва, гипертония, атеросклероз авырулары вакытында файдалы. 

Алтынбаш – Золототысячник ( яфрагын җыярга.)
Ялкынсынуларга крашы көрәшә, организмнан үт кудыра, авыртуларны баса, кан китүне туктата. Ашкайнату системасын көйли, эч кибүдән коткара. 

Ромашка (чәчәкләрен җыярга).
Спазмнарны булдырмый, тынычландыра, авыртуны баса, тир кудыра, ялкынсынуларга каршы тора, дезинфекцияли. 

Тырнак гөл – календула ( чәчәкләрен җыярга)
Стоматит, гепатит, ангина, пародонтоз, холицистит, невроздан булыша. 
Балан (җимешен, кайрысын җыярга)
Баландагы С витамины алмага, тозлы кәбестәгә, цитруслыларга караганда да күбрәк. Баланда каротин, К, Р витаминнары, цинк, натрий, марганец, кальций, молибден, кобальт, фосфор, никель, цирконий, титан, калий, магний кебек микроэлемент һәм минераллар, 13 төрле аминокислота, эфир майлары һәм кеше организмы өчен кирәкле тагын бихисап файдалы матдәләр бар. Тимер кан ясалышы һәм яңарышы җввап бирә. Шулай ук микробларга каршы тора, җәрәхәтләрне төзәтә, бәвел һәм үт кудыра, организмны ныгыту үзлегенә ия. Ангина, тонзиллит, бронхит, үпкә ялкынсынганда, бронхиттан интеккәндә, балан чәе файдалы. 
Кырлыган - кипрей узколистный ( үләнен җыярга) .
Йокысызлык, баш авыртуы һәм хатын-кыз авырулары вакытында кулланыла. 
Кыңгырау чәчәк ( үләнен җыярга) .
Авыз эче ялкынсынганда, баш авыртуы һәм бизгәк вакытында кулланалар. 
Кычыткан (яфрагын җыярга).
Кычытканның яфраклары витаминнарга бай. Шулай ук органик кислоталар, крахмал, шикәр, хлорофилл, тозлар бар. К витамины һәм дуплау матдәләре кан китүне тукта. Кычытканны гипо- һәм авитаминозларны, атеросклерозны дәвалау һәм профилактика чарасы буларак файдаланалар,азканлылыкны дәвалыйлар, ул гемоглобинны күтәрә һәм эритроцитларны арттыра.Яфракларының кайнатмасы кандагы шикәрне киметә. Үлекләүгә каршы һәм яраларны төзәтү өчен кулланыла.
Юкә (чәчәген җыярга)
Иммунитетны ныгыта, салкын тигәндә файдалы. Температураны төшерә, бөер авыруларын дәвалый, кандагы шикәрне төшерә, токсиннарны чыгара, күрем циклын көйли, ашкайнату системасы эшчәнлеген яхшырта, баш авыртуын баса, геморройны көйли, буыннардагы авыртуны киметә, авыз эчен төзәтә, чәчләрне ныгыта. 
Әрекмән (тамырын җыярга)
Тире, ашказаны, эчәклек, буын авыруларына файдалы. Әрекмән тамыры белән чайкасагыз, кавыкның һәм чәч коелуның ни икәнен белмәссез. 
Кура җиләге (җимешләрен, яфрагын җыярга). 
Азканлылыктан коткара, тән температурасын төшерә, тир бүлеп чыгара, депрессия, невроз, йокысызлыктан файдалы. Токсикоздан коткара. Кан тамырларын ныгыта, ашкайнатуны яхшырта, барлык органнарны көйли. Аппетитны ача. Кан басымын көйли. Махмырдан файдалы. Эчәкләрне чистарта. 
Әрем (үләнен, яфрагын җыярга). 
Какырыкны чыгара, йөткертә, матдәләр алмашын көйли, майларны яндыра, ябыгырга булыша. 
Сукыр кычыткан ( үләнен җыярга).
Кан басымын төшерә, гипертониядән файдалы. Авыртуны баса, тынычландыра , кан тамыры-йөрәк авыруларыннан файдалы. Нерв системасын ныгыта. Эшчәнлекне арттыра. Ашказаны өчен файдалы. 
Нарат ( ылысларын, бөреләрен җыярга)
Бөерне, үт куыгын чистарта, күзәнәкләрне яңарта, бавырдан токсиннарны чыгара 
Кара карлыган ( җимешләрен җыярга) 
Инфаркт яки инсульт кичергәннән соң файдасы зур. Йөрәк-кан тамырлары чирләренә, яман шешкә, Альцгеймер авыруына каршы профилактика чарасын үти. 
Турак уты- толокнянка обыкновенная (яфрагын җыярга) 
Бөрештерүче үзлеккә ия. Сөтле төнәтмәсе гастрит, эч китү, холецистит авыруыннан файдалы. Ашкайнату системасын яхшырта, шлакларны чыгара, бавыр эшчәнлеген көйли, күз күремен яхшырта, кан туктату үзлгенә ия. 

Меңьяфрак ( үләнен җыярга).
Ашказаны-эчәк тракты һәм үт кудыру органнарына файдалы.

Өч төсле миләүшә ( үләнен җыярга).

Шешенүләрне бетерә, бронхларны чистарта, ашказаны-эчәк тракты авыруларын көйли 
Керән ( яфракларын җыярга)
Ашкайнату системасына уңай йогынты ясый. Аппетитны уята, эч кибүне булдырмый. Артык авырлыктан коткара. Бәвел кудыра. Ирлек көчен арттыра.

Чыганак һәм фото: http://vk.com/salamtlek