Юып булмый торган киемнәрдән тир исен ничек бетерергә?
Юып булмый торган өс киемнәрендәге тир исен бетерү ысуллары киңәшләр сайтында чыкты. Өске киемнәрне урамга алып чыгып җилләтсәң, исләре бетәр. Балконга элеп торырга да була.
Аш содасына бераз су кушып, куе паста ясагыз. Шушы пастаны киемнең сасы урыннарына сылагыз. Киемнең эчке ягын әйләндерергә онытмагыз! Паста кибеп беткәч, өс киеменнән щетка белән чистартып төшерегез.
Аракыны алтыга бер исәбеннән суга кушыгыз. Шушы эремәне сиптергечкә салыгыз һәм өс киеменең култык асларына, якаларына сиптереп чыгыгыз. Мондый ысул тапларны һәм исләрне дә бетерә, бактерияләрне дә үтерә.
Лимон согына бераз су кушып, өс киеменең сасы урыннарына сөртегез. Тукыма кибеп беткәч, киеп чыгып китәргә дә була, диелә хәбәрдә.
https://pixabay.com/
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев