"Ак калфак"лы лениногорскилы Удмуртиядә күчмә утырышта катнашты
6-7 декабрь көннәрендә Удмуртия җирлегендә дөньякүләм "Тамырларыбыз белән көчле без" дип исемләнгән чара – «Ак калфак» бөтендөнья татар хатын-кызларының иҗтимагый оешмасының чираттагы күчмә утырышы булды.
Анда Татарстанның 31 районыннан, Россиянең 7 төбәгеннән, ак калфаклы гүзәл ханым-туташлар җыелды. Алар арасында лениногорскилы, хезмәттешебез Зилә Мөдәрисова бар иде.
Очрашуның максаты – “Ак калфак” иҗтимагый оешмасының Удмуртиядә эшләп килүче бүлекчәләренең эш тәҗрибәсен, бу җирлектәге йолаларны, татар халкының яшәешен өйрәнү, танылган шәхесләрен барлау, авыл туризмы кысаларында чараларда катнашу.
- Юл авыр һәм озын булса да, тәэсирләргә бай булды көннәребез. Күңелдә бары тик матур һәм онытылмаслык мизгелләр калдырган искиткеч сәяхәт булды ул, - ди Зилә Мөдәрисова.
фото:Шәфкать Ганиев
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев