Алдагы елларда инглиз теле һәм тарих буенча БДИ мәҗбүри булмаячак
Якындагы өч елда инглиз теле һәм тарих БДИ тапшырганда мәҗбүри фәннәр булмаячак.
Бу хакта ТР мәгариф һәм фән министры Илсур Һадиуллин WorldSkills стандартлары нигезендә һөнәри осталык буенча Татарстан җыелма командасы әгъзалары белән очрашуда сөйләде.
«Инглиз теле буенча мәҗбүри имтихан 2021 елда ук тапшырылырга тиеш иде, әмма бу хәл килеп чыкмады. 2022 елда аны гамәлгә кертергә җыенмыйлар. Тарих фәненә килгәндә, бу хакта сөйләшүләр алып барыла. Әмма якындагы өч елда бу өлкәдә үзгәрешләр булмас дип уйлыйм», — дип сөйләде Һадиуллин.
Ул, шулай ук, тиешле инстанцияләр тарафыннан, бердәм дәүләт имтиханын тапшырганда информатиканы мәҗбүри фәннәр исемлегенә кертү турындагы мәсьәлә дә күтәрелде, диде.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев