Алсуга - дәүләт бүләге!

Мәскәү шәһәрендә узган Татарстан көннәре күп кенә атаклы милләттәшләребезне бер урынга җыйды. Алар арасында генерал Мәхмүт Гәрәев, Третьяков галереясе директоры Зөлфирә Терегулова, җырчылар Эльвира Шаһиморатова, Ренат Ибраһимов, Бари Алибасов һәм башкалар бар иде.

Җырчы Алсу Сафинага, башка күренекле шәхесләр белән беррәттән, сәнгать өлкәсендәге уңышлары өчен Татарстан Президенты Рөстәм Миңнеханов һәм Мәскәү мэры Сергей Собянинның Рәхмәт хатлары тапшырылды.

- Тамашачы сөюе белән бергә, ил җитәкчелегенең дә рәхмәтен ишетү яңа эшләргә канат куя, күңелгә илһам өсти, - диде Алсу.
 
https://kiziltan.ru/kultura/13520-alsuga-dlt-blge.html

http://shahrichalli.ru/news/kich-bgen-irtg/alsuga-dlt-blge сайтыннан алынды