Авыл хуҗалыгы хезмәткәрләрен район башлыгы Рәгать Хөсәенов котлый
Хөрмәтле авыл хуҗалыгы һәм эшкәртү промышленносте хезмәтчәннәре! Мөхтәрәм аграр тармак ветераннары! Сезне һөнәри бәйрәмегез белән ихлас күңелдән котлыйм.
Кыенлыклар белән исәпләшмичә, үз эшен намус белән башкарган, табыннарыбызда азык-төлек муллыгын тәэмин итү өчен тырышкан тәҗрибәле игенчеләребез, механизаторларыбыз, терлекчеләребез, гомумән, күпкырлы авыл хуҗалыгының фидакарь хезмәтчәннәре белән чын мәгънәсендә горурланабыз.
Безнең Лениногорск районында авыл хуҗалыгы үсешенә зур игътибар бирелә: эш башлаучы фермерларга ярдәм итүдә программа эшли, авыл хуҗалыгындагы җирләрнең уңдырышлыгын саклау буенча эш алып барыла.
Кадерле авыл хуҗалыгы хезмәтчәннәре, эшкәртү промышленносте хезмәткәрләре! Тырыш хезмәтегез өчен олы рәхмәтемне кабул итеп алыгыз. Сезгә һәм сезнең гаиләләрегезгә, туганнарыгызга, якыннарыгызга нык сәламәтлек, бәхет, күтәренке рух һәм яңа хезмәт җиңүләре телим.
Рәгать Хөсәенов, район башлыгы, шәһәр мэры
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев