“Авыл укытучысы – 2019” җиңүчесе Зөлфия Хисамова: Авыл бетмәсен, мәктәпнең киләчәге булсын иде

автор, 18 октябрь 2019 - 14:23

1333

“Авыл укытучысы – 2019” конкурсы абсолют җиңүчесе Ленингорск районы Урмышлы мәктәбенең башлангыч сыйныфлар укытучысы Зөлфия Хисамова авыл бетмәсен, мәктәпнең киләчәге булсын иде дигән теләген җиткерде. Бу хакта ул Татарстанның Дәүләт Советында җиңүчеләрне бүләкләү тантанасында сөйләде.

“Авыл укытучысы – 2019” җиңүчесе Зөлфия Хисамова: Авыл бетмәсен, мәктәпнең киләчәге булсын иде

“Әлеге конкурста катнашуым белән бик горурланам. “Мәгариф” журналына һәм конкурс оештыручыларына рәхмәт белдерәм. Гади авыл укытучысын зур дәрәҗәгә күтәргәнегез өчен рәхмәт. Коллегаларга исәнлек-саулык, сабырлык телим. Авыллар бетмәсен, мәктәпләрнең киләчәге булсын иде”, - диде ул.

“Мәктәптә эшләвемә дә утыз елдан артык вакыт узды. Илебездә мәгариф өлкәсендә күп үзгәрешләр булды. Нинди генә үзгәрешләр булса да, мин иң беренче яңалыкны “Мәгариф” журналыннан укыдым. Бу конкурсларда катнашу үз-үзеңне сынап карау өчен зур мөмкинлекләр ача", - ди Зөлфия ханым.

Бу хакта тулырак: https://tatar-inform.tatar/news/2019/10/18/195553/

Фото: Султан Исхаков