Башлангыч сыйныф укучыларын түләүсез кайнар аш белән тәэмин итәчәкләр

Инициатива парламентның ике палатасы спикеры Вячеслав Володин һәм Валентина Матвиенко тарафыннан Дәүләт Думасы каравына кертелде. Шулай ук палатаның вице-спикеры Ирина Яровая һәм барлык парламент фракцияләре җитәкчеләре дә авторлар булды.

Яровая сүзләренчә, балаларда авыруларның күбесе ашкайнату органнары белән бәйле. "Әлеге законда башлангыч мәктәптә кайнар ризык белән тәэмин итүгә гарантия принципиаль алым булып тора. Балалар өчен закон нигезендә без аларны бушлай кайнар туклану белән тәэмин итүнең турыдан-туры гарантиясен билгелибез", - дип хәбәр итте ул журналистларга.

"Балалар өчен азык-төлекнең сыйфатлы булуы да мөһим. Закон тарафыннан балалар өчен ГМО, агрохимикатлар куллануны турыдан-туры тыю билгеләнә", - дип өстәде Яровая.

Сәясәтче закон проекты бүгенге көндә балалар өчен азык-төлек продукциясенең сыйфатына карата булган таләпләргә кагылышлы төрле актларны системалаштыра, диде. Аның сүзләренчә, бер үк вакытта ата-аналарга уку йортында меню турында мәгълүмат бирү таләбе дә булачак.

Бу хакта тулырак: https://tatar-inform.tatar/news/2019/10/24/195873/