Бердәм дәүләт имтиханында эшләгән өчен укытучылар өстәмә түләү алырга мөмкин

«Без, „Бердәм Россия“ партиясе буларак, Бердәм дәүләт имтиханында эшләгән укытучылар өчен төбәкләр тарафыннан каралган түләүләрдән тыш, өстәмә дифференциацияләнгән бер тапкыр бирелә торган түләүне тәкъдим итәргә телибез», — дип белдерде «Яңа мәктәп» партия проекты координаторы, Дәүләт Думасы депутаты Алена Аршинова Мәгариф һәм фән министрлыгы киңәшмәсендә.

Аның әйтүенчә, мондый тәҗрибә, мәсәлән, Мурманск өлкәсендә бар. Анда, коронавирус шартларында БДИ үткәрүгә җәлеп ителгән укытучылар бер тапкыр 10 мең сумга кадәр акча алачак. Рособрнадзор мондый тәҗрибәне башка төбәкләрдә дә булдырырга мөмкин, дип килеште.

«Барыбызның да Мурманск өлкәсендәге кебек мөмкинлекләр булмавын аңлыйбыз, әмма бу үрнәкне субъект башлыкларына җиткерергә кирәк. Минемчә, бу әллә нинди зур акчалар түгел, ниндидер резервлардан табарга һәм укытучыларга акча түләргә мөмкин», - дип җавап бирде Рособрнадзорд башлыгы вазыйфаларын вакытлыча башкаручы Анзор Музаев.

https://tatar-inform.tatar/news/science/17-06-2020/berd-m-d-l-t-imtihanynda-eshl-g-n-chen-ukytuchylar-st-m-t-l-alyrga-m-mkin-5750290