Чит ил урынына - үзебезнең Татарстан: Туризм буенча дәүләт комитеты киңәше
Коронавирус таралу сәбәпле, республиканың Туризм буенча дәүләт комитеты рәисе Сергей Иванов ялга җыенучыларны чит ил урынына Татарстанда ял итәргә чакырды. Бу хакта ул журналистлар белән очрашуда сөйләде.
«Хәзер чит илгә ял тәкъдим итү бик катлаулы, Мин Татарстанда ял итәргә киңәш итәм. Бездә яхшы, кызыклы һәм матур урыннар күп, шуңа күрә Татарстанда ял итегез», — диде Иванов «Татар-информ» корреспондентының соравына җавап биреп.
Аның сүзләренчә, хәзер бөтен дөньяда туризм тармагы коронавирус аркасында зыян күрә һәм зур югалтулар кичерә. Якын арада республика ягыннан туристлык компанияләренә дәүләт ярдәменең мөмкин булган чараларын табу планлаштырыла.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев