Иске Иштирәк мәктәбенең беренче сыйныфлары өчен мастер-класс үткәрелде

Иске Иштирәк мәктәбендә 12 апрельдә билгеләп үтеләчәк Космонавтика көне алдыннан беренче сыйныф укучылары өчен космик ракета ясау буенча мастер-класс узды.

Бу хакта мәктәп сайты хәбәр итә. 

Чара башында балалар беренче космонавтның кем булуын искә төшерделәр, Юрий Гагаринның космик ракетасының «Восток» дип аталуын белделәр. Аннары өстәмә белем бирү педагогы Усманов Илшат Шаһит улы укучыларга мастер-класс күрсәтү эшенә кереште. Кулларга төсле кәгазь, кайчы алып, ракета ясарга тотындылар.

Балалар соңыннан башкарган эшләре өчен куану хисләре белдерде, үзләрен ракета-космик техниканың чын конструкторлары итеп хис итә алдылар. Укучыларның эшләре уңышлы гына килеп чыкты: барлык ракеталар очып китте. 

фотолар: мәктәптән