Искитмәле: кармакка 30 килограммлы җәен балыгы тоткан ( фотолар)

Башкортстанның Бөрҗән районы Миңдегол авылында яшәүче Ринат Имангулов 30 килограммлы җәен балыгы тоткан.

Дөрес, кармакка капкан балыкны ярга тартып чыгару өчен дустының да ярдәме кирәк булган. Кеше буендагы балыкны алар авырлык белән генә судан чыгара алган.

Ринат балык тоту белән балачагыннан мавыкса да, ныклап торып армиядә хезмәт итеп кайткач - 1992 елларда гына кызыксына башлый. Моңа кадәр дә зур җәеннәр эләктергәне булган инде. Тоткан иң зур балыгы - 2 метр 20 сантиметр озынлыктагы 40 килограммлы җәен. Әтисеннән күреп балалары да балык тотарга йөри һәм үз буйларындагы балык тотканнары бар ди инде.

http://intertat.ru/tt/