Кыярыңа ни җитми?..

Кыярның тышкы кыяфәте буенча нәрсә әйтергә була? "Лампочка"га охшаган булса – димәк, калий җитми .

Тамырга “сернокислый калий” кертегез.

Бер башы нечкә һәм кәкре икән – димәк, азот җитмәү. Сыер тиресен (1:10) яки кош тиресен ( 1:20) кертегез, шулай ук селитра яки мочевина белән тукландырабыз. Минераль ашламалар хәлне тиз арада төзәтергә кирәк вакытта кертелә.

Арада гантельгә охшаганнары – ике башы юан, уртасы нечкә булганнары да очрый. Бу температураның кискен үзгәреп тору нәтиҗәсе.

Кәкре, ямьсез булса, димәк, бор җитми. Бу очракта бор (бор кислотасы) булган теләсә нинди препаратларны кулланырга була.

Чыганак: http://atnya-rt.ru/news/mgyiyat/kyyarya-ni-itmi