Лениногорскиның Туган якны өйрәнү музее уку елына төрле чаралар әзерләгән.
Күптән түгел алар 5нче мәктәпнең 6 Б сыйныфын чакырдылар. Укучылар музейда элеккеге халык уеннарын уйнады, аларның тарихы белән танышты.
Әйлән-бәйлән дә уйнадылар. Чуашларның Уяв бәйрәмендәге хороводтан рус бәйрәме - Каравондагы хороводтан аермасын белделәр.
Сабантуйдагы милли уеннарны да бергәләп уйнап карадылар. Балтай бәйрәмендә дә “булдылар”. Укучылар зур тәэсирләр белән китте, дип хәбәр итәләр музейдан.
Фотолар: Туган якны өйрәнү музееннан.
Нет комментариев