Лениногорскида ике көн рәттән COVID-19 йоктыручылар ачыклана

Яңа вирус йоктырган 11 кеше хастаханәгә озатылган, 19 кеше өйдә дәвалана.

Казанда — 16, Чаллыда — 6, Биектау, Лаеш һәм Лениногрск районнарында — 2 шәр, Алексеевск һәм Питрәч районнарында берешәр кеше йоктырган.

Кичәге статистикада да Лениногорскида ике очрак ачыкланган иде.

23 июньгә алынган мәгълүматлар буенча, Татарстанда барлыгы COVID-19 белән авыруның 22 183 очрагы теркәлгән.

Пандемия башланганнан бирле коронавирус инфекциясе йоктырган 19 850 кеше савыккан.

Спутник-V вакцинасы белән 471 743 кешегә прививка ясалган. Шулардан 347 302 кеше прививканың икенче дозасын ясаткан.