Лениногорскида коронавирус белән авыруның 3 яңа очрагы ачыкланган

Казанда – 61, Чаллы шәһәре һәм Теләче районында – бишәр, Бөгелмә, Яшел Үзән һәм Лаеш районнарында дүртәр очрак, Лениногорск, Нурлатта өчәр очрак ачыкланган.

Пандемия башланганнан алып республикада коронавирус инфекциясенең 43,6 мең очрагы теркәлгән, 36,8 мең кеше терелгән.

Узган тәүлектә Татарстанда биш кеше (1938 елгы хатын-кыз һәм 1941, 1950, 1953, 1971 елгы ир-атлар) коронавирустан үлгән.

Республикада барлыгы 2,3 миллионга якын кеше коронавируска каршы прививка ясаткан.