Лениногорскилылар, санаулы көннәр калды
Федераль льготниклар 1 октябрьгә кадәр социаль хезмәтләр җыелмасын яңарту турында гариза бирә алалар.
1 октябрьгә кадәр федераль льготникларга мөһим карар кабул итәргә кирәк: социаль хезмәтләр җыелмасын (социаль пакетны) калдырырга яки аннан баш тартып, акча алырга.
Акчалата компенсацияне сайлаганда шуны истә тотарга кирәк: сәламәтлек торышы начарлангач, авыру озак вакытлар дәвалануны һәм күп кенә дарулар таләп итә, акчалата компенсация җитми башлый.
– Гамәлдә булган льготалар алу формасын саклау өчен гариза язарга кирәкми, - ди район Пенсия фонды белгечләре.
Социаль хезмәтләр җыелмасын алу хокукын 1 октябрьгә кадәр яңартырга мөмкин. Моның өчен Пенсия фондына гариза белән мөрәҗәгать итәргә кирәк. Санаулы көннәр генә калды. Ашыгыгыз!
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев