Мәктәпләргә чит кешеләр керә алмаячак

Русия Мәгариф министрлыгы мәктәпләргә яңа технологияләр кертүне дәвам итә.
Чираттагы яңалык балалар хәвефсезлеген кайгырту максатыннан кертелә. Кешеләрне тану системасы аша мәктәпкә читләр үтеп керә алмаячак. Русиянең фән һәм мәгариф министры Ольга Васильева белдерүенчә, укучылар хәвефсезлеге заманча мәктәптә видеоидентификация системасы аша контрольдә тотылачак.
“Яңа система кешене йөзеннән таныячак, ул ышанычлы һәм арзан да булачак. Мондый система булганда, чит кешеләр мәктәпкә үтеп керә алмаячак”, — ди министр.

http://kiziltan.ru

фото:pixabay.com