«Нинди тылсымлы туй!» — Чаллыда дельфиннар тренеры никахын үзенчәлекле итеп теркәгән (ФОТО)
Чаллыда бер пар никахларын үзенчәлекле рәвештә теркәгән.
Алексей һәм Лиана Пешковларның бәйрәм тантанасы шәһәр дельфинариенда узган. Чөнки Алексей — дельфиннар тренеры. Сөйгәне белән язылышырга ул үзенең иң якын дуслары — дельфиннар белән бергә йөзеп килгән.
Лиана да дельфинарий хезмәткәре. Борынгы һинд ышанулары буенча, Кама дигән мәхәббәт Алласының иң яраткан хайваны — дельфин булган. Шуңа күрә бу мөлаем җан ияләре гаилә мөнәсәбәтләрендә гармония символы булып санала.
Инстачылар яшьләргә бәхет теләгән. «Бик күңелле итеп үткәрдегез туегызны, сез булдырдыгыз! Ә дельфиннар безне баштанаяк су белән коендырды», «Мәхәббәтегез гомерлек булсын», — дип яза яшь парның дуслары.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев