Рәгать Хөсәенов Лениногорскида чикләү чараларының үтәлешен тикшерде

Район башлыгы гражданнарның керүен һәм чыгуын контрольдә тоту урыннарында автотранспорт чаралары хәрәкәте белән кызыксынды, алга таба да халыкның куркынычсызлыгы өчен кертелгән режимны катгый үтәргә кушты.

Район башлыгы азык-төлек кибетләрендә, беренче чиратта, азык-төлек продуктларына һәм аларның бәяләренә игътибар итте. Кибет хезмәткәрләренә шәхси куркынычсызлык өчен медицина битлеген һәм перчаткаларын мәҗбүри киеп йөрү, шулай ук дезинфекция чаралары кулланып дымлы җыештыру турында искә төшерде. Кирәкле азык-төлеккә бәяләр һәм дефицит арту ачыкланмаган.

Визит барышында кайбер даруханә пунктларында шәхси саклану һәм дезинфекция чаралары җитмәү күзәтелде. Даруханә хезмәткәрләре аңлатканча, якын арада товар килү көтелә.

 муниципаль район мэриясе матбугат хезмәте