Роспотребнадзор: якындагы ярты ел эчендә Татарстанда битлекләрне салу турында сүз дә була алмый
Халыкның 80 процентында күмәк иммунитет барлыкка килгәннән соң гына битлекләрне салачакбыз.
“Роспотребнадзор”ның республика буенча идарәсе җитәкчесе урынбасары Любовь Авдонина Татарстандагы санитария-эпидемиологик вазгыятькә багышланган матбугат конференциясендә республикада яшәүчеләрнең битлекләрне әле тиз генә сала алмаячакларын белдергән.
– Грипп һәм ОРВИ сезонына кердек. Шуңа күрә, әлбәттә инде, бу сезонда битлекләр сакланып калачак. Беләсезме, хәзер безгә күмәк иммунитет өчен халыкның 60 процентын түгел, ә 80 процентын колачлау кирәк. Шуңа күрә якындагы ярты ел эчендә битлекләрне салу турында сүз дә була алмый. Коронавирус инфекциясеннән прививканы ничек тизрәк ясатсак, бу мәсьәләне шуның кадәр тизрәк хәл итә алачакбыз, – дигән ул.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев