Россиядә счетчикларны тикшерүнең яңа кагыйдәләре гамәлгә керде
Россиядә бүгеннән счетчикларны яңа кагыйдәләр буенча тикшерз башлыйлар. Хәзер «Аршин» электрон теркәү хезмәте бердәнбер юридик яктан әһәмияткә ия дәлил булачак. Бу хакта ТАСС хәбәр итә.
«Үлчәүләр бердәмлеген тәэмин итү буенча федераль мәгълүмат фондына („Аршин“ электрон теркәү хезмәте) күрсәткечләрне тапшырмыйча, метрологик эшләрнең нәтиҗәсе гамәлдә булмаячак», — дип аңлаткан Росстандарт җитәкчесе Алексей Абрамов.
Приборны тикшергәннән соң алынган мәгълүматны белгеч бер тәүлек эчендә «Аршин» хезмәте реестрына кертергә тиеш.
Счетчик хуҗасы үлчәү нәтиҗәләрен карау өчен рееестрның махсус бүлеген куллана ала. Биредә кирәкле мәгълүматны карау өчен приборның завод номерын кертергә кирәк.
https://tatar-inform.tatar/news/society/24-09-2020/rossiyad-schetchiklarny-tiksher-ne-ya-a-kagyyd-l-re-gam-lg-kerde-5773845
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев