Суд приставлары СМС хәбәр юллый башлаячак
Россия Суд приставлары бурычлыларга төрле чикләүләре хакында СМС аша хәбәр итү мөмкинлеге алырга мөмкин. Бу хакта Россия Юстиция министрлыгына сылтама белән ТАСС хәбәр итә.
Тиешле үзгәрешләр “Башкарма производство турында”гы законга 6 августта кертелде. Әгәр алар хупланса, 2020 елдан приставлар бурычлы кешеләргә чит илгә чыгуны чикләү турында СМС җибәрә алачак. Шул ук вакытта мондый хәбәрләрне алуга гражданнарның үзләренең ризалыгы да кирәк.
Юридик затлар һәм шәхси эшмәкәрләр әлеге төр хәбәрләрне үзләре күрсәткән электрон почтага алачак. Беренче тапкыр бу инициатива 2017 елда тәкъдим ителде.
Фото: pixabay.com
http://sarman-rt.ru/news/khbrlr/sud-pristavlary-sms-khbr-yullyy-bashlayachak
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев