Сугышта һәлак булган хәрбинең әнисеннән улының бурычын түләтәләр
Хәл болай була. Братск шәһәрендә яшәүче Елена Тарасюкның банк карточкасына, 2017 елның 16 сентябрендә улы Владимир Тарасюк Сүриядә Идлиб провинциясендә һәлак булгач, бер миллион сум компенсация күчерәләр. Суд приставлары Владимирның кредит оешмасына булган бурычын әнисенең шушы компенсациясеннән тотып калганнар.
Елена ханым судка мөрәҗәгать итә. Закон буенча суд приставлары хәрби бурычын үтәгәндә һәлак булган туганнары өчен түләнгән компенсация акчасына арест сала алмый.
Әмма, шуңа карамастан, хөкемдарлар суд приставлары ягына баса.Чөнки Елена ханым улы кредит алганда “солидарный ответчик” булып рәсмиләштерелгән. Ә бу кредит бирүчегә бурычны аңардан кайтарту мөмкинлеген бирә.
2018 елның апрель аенда Братск шәһәре мэры Владимир Тарасюкның әти-әнисенә “Батырлык” ордены тапшырган булган.
Өмет
Фото: pixabay.com
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев