Табиб ковидтан да куркынычрак пандемия турында кисәтте
Дөньяга яңа куркыныч пандемия яный, ул гриппның ике төре аркасында килеп чыгарга мөмкин. Бу турыда танылган табиб һәм алып баручы Александр Мясников сүзләренә сылтама белән РИА Новости хәбәр итә.
Аның сүзләренчә, коронавирус — куркынычрак авырудан үзенчәлекле тренировка. Әгәр дуңгыз һәм кош гриппы терлектән кешегә һәм кешедән кешегә йога торган булса, кешелек өчен бу чирләр пандемиясе тагын да куркынычрак булырга мөмкин.
«Зур, үлемгә китерә торган пандемия ике мутациядә булырга мөмкин. Хәзер көтәргә кала», — дип кисәтте ул.
Кешелек дөньясын потенциаль куркынычтан сакларга грипптан универсаль вакцина гына ярдәм итә алачак, — дип белдерә медицина хезмәткәре.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев