Татарстан халыкларының телләрен саклау проектларын гамәлгә ашыру өчен конкурс башланды
11 майдан Татарстан территориясендә яшәүче халыкларның телләрен, гореф-гадәтләрен, мәдәниятләрен саклап калуга һәм үстерүгә юнәлдерелгән проектларны гамәлгә ашыру өчен муниципаль мәгариф оешмалары арасында конкурсның республика этабына гаризалар кабул ителә башлады.
Конкурс муниципаль мәктәпкәчә белем бирү оешмаларына һәм муниципаль гомуми белем бирү оешмаларына республикада яшәүче халыкларның традицияләрен һәм гореф-гадәтләрен саклап калуга, мәдәниятләрен үстерүгә юнәлдерелгән проектларны гамәлгә ашыруда ярдәм итү максатыннан үткәрелә. Бу турыда Татарстан Мәгариф һәм фән министрлыгының матбугат хезмәте хәбәр итә.
Конкурсның республика этабында муниципаль этапта җиңгән муниципаль гомуми белем бирү һәм мәктәпкәчә белем бирү оешмалары катнаша.
Конкурс турындагы мәгълүмат белән Татарстан Мәгариф һәм фән министрлыгы сайтында танышырга мөмкин.
https://pixabay.com/ru/
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев