"Татарстан көзгесе" экопроекты Бөтенроссия конкурсында җиңде
Зәңгәр күлләрне төзекләндерү буенча Татарстанның «Татарстан көзгесе» экопроекты экотуризмны үстерү буенча Бөтенроссия конкурсында халык тавыш бирүендә җиңде, дип хәбәр итә Татарстан Республикасында туристлык-рекреация кластерларын үстерү командасы.
- Татарстанлыларның актив ярдәме белән "Татарстан көзгесе" экокластеры туристлык-рекреацион кластерлар булдыру һәм экотуризмны үстерү буенча Бөтенроссия конкурсында халык тавыш бирүдә беренче урынны алды, — диелә хәбәрдә.
Проект 18 мең 476 лайк җыйган. Тавыш бирүдә барлыгы 36 финалист катнашты.
Конкурста катнашкан икенче татарстан проекты «Кама Тамагы» экокуроры шулай ук халык тавыш бирү нәтиҗәләре буенча беренче унлыкка керде. Ул 8 мең 810 тавыш җыеп, дүртенче урында булды.
Бүген, 16 октябрьдә, Тулада халык тавыш бирүендә һәм бөтен конкурста җиңүчеләрне бүләкләү тантанасы узачак. Жюри федераль ярдәм алачак проектларны игълан итәчәк. Шунда ук «Татарстан көзгесе» экокластерының халык тавыш бирүе җиңүчесе буларак нинди бүләк алуы билгеле булачак.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев