Татарстанда биш автомобиль бәрелешкән авария турында төгәлрәк мәгълүмат билгеле
Лаеш районында массакүләм юл-транспорт һәлакәт турында төгәлрәк мәгълүмат билгеле булды. Бу хакта Татарстан буенча Эчке эшләр министрлыгы матбугат хезмәтендә хәбәр иттеләр.
Кичә кичке биштә Казан-Оренбург трассасында «Газель» каршы як полосага чыгып, «Лада Калина» белән кара-каршы бәрелешкән. «Газель» йөртүчесе күптән ял итмәгән булган.
Җиңел машина ундүртенче модельле «Лада»га килеп бәрелгән, ә «ГАЗель» «Гранта»га тиеп узган, аңа исә арттан килүче «Тойота» килеп кергән. Ике җиңел машина да юл кырыена төшеп киткән.
Авариядә «Лада Гранта» машинасының йөртүчесе алган җәрәхәтләрдән урында үлгән. Аның ике пассажир хатын-кызы, шулай ук «Калина» машина йөртүчесе төрле җәрәхәтләр белән хастаханәгә озатылган.
ЮХИДИ хезмәткәрләре авария сәбәпләрен билгели.
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев