Татарстанда битлек режимы һәм дистанция саклау март ахырына кадәр дәвам итәчәк
Тиздән грипп һәм ОРВИ эпидемиясе сезоны башланачак.
Covid-19 коронавирусы белән бәйле вазгыять тотрыклы булуга карамастан, битлек режимы һәм дистанция саклау таләбе ким дигәндә 2021 елның март ахырына кадәр дәвам итәчәк. Бу турыда «Татар-информ» агентлыгында матбугат конференциясендә Россия Кулланучы хокукларын яклау буенча күзәтчелек хезмәтенең Татарстан буенча идарәсе җитәкчесе урынбасары Любовь Авдонина хәбәр итә.
«Битлек режимы һәм социаль дистанция буенча таләп грипп һәм ОРВИ эпидемия сезоны буе сакланачак, гадәттә ул март ахырына кадәр дәвам итә», — диде спикер.
Роспотребнадзор вәкиле сүзләренчә, билгеләнгән сроктан соң аны озайту яки кичектерү мәсьәләсе каралачак.
Чыганак: tatar-inform.tatar
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев