ҖӘМГЫЯТЬ
Татарстанда фура елгага төшеп китеп әйләнеп капланган, шоферы һәлак булган
Татарстанда фура юлдан чыгып китеп, елгада әйләнеп капланган. Бу хакта «Татар-информ» мәгълүмат агентлыгына авария шаһитлары хәбәр итте.
Шаһитлар мәгълүматы буенча, 6 гыйнвар иртән Әлмәт районы Миңлебай авылы янында юл-транспорт һәлакәте булган.
Татарстан Эчке эшләр министрлыгында ачыклап узуларынча, «КАМАЗ»ның 49 яшьлек шоферы, башлангыч мәгълүматлар буенча, Әлмәт-Лениногорск трассасының 9нчы чакрымында тизлекне арттырып, йөк машинасы белән идарә итүне югалткан.
Нәтиҗәдә, машина елгага төшеп китеп, әйләнеп капланган. Шофер алган җәрәхәтләрдән урында ук үлгән.
https://tatar-inform.tatar
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев