Татарстанда М12 трассасы төзелешенә РФ бюджетыннан дистәләгән миллиард сум акча керәчәк
Татарстан аша узучы М12 «Мәскәү — Түбән Новгород — Казан» тиз йөрешле автомобиль юлы участогының бәясе 163 млрд. сум дип бәяләнә. Әлеге сумманың 60 проценты республикага федераль бюджеттан җибәреләчәк. Бу хакта ТР Транспорт һәм юл хуҗалыгы министры Фәрит Хәнифов ТР Лаеш районы Каип авылында яшәүчеләр белән очрашуда хәбәр итте
.
«Бүген бәясе 163 млрд. сум тәшкил итә. Татарстан Республикасы өчен бу Тулай төбәк продуктына саллы өлеш. Бу яңа эш урыннары да, илебезнең көнчыгыш һәм көнбатышының зур бәйләнеше дә, киләчәктә М7 һәм М5 юлларын яктырту да», — дип сөйләде Хәнифов.
Аның сүзләренә караганда, трассаның озынлыгы 142 км тәшкил итәчәк. Полосаның тизлеге-120 км/сәг.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев