ҖӘМГЫЯТЬ
Татарстанга ташламага ия булучыларга коммуналь хезмәтләргә түләү өчен 2 миллиард сумнан артык акча бүленәчәк
Республика 2020 елда торак-коммуналь хезмәтләргә түләү буенча ташламалар тәкъдим итә алсын өчен Татарстанга федераль бюджеттан 2 миллиард сумнан артык акча бүлеп биреләчәк. РФ Премьер-министры Михаил Мишустинның шул хактагы боерыгы Хөкүмәт сайтында чыккан.
«Татарстан Республикасына – 2 миллиард 390 миллион 687 мең сум», - диелә документта.
Ташлама ветераннар, инвалидлар, шулай ук радиацион яки техноген һәлакәтләр нәтиҗәсендә зыян күргән гражданнар өчен каралган. Алар торак-коммуналь хезмәтләр бәясенең 50 процентын түли, квитанциядәге калган сумма исә федераль бюджет хисабына каплана.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев