Фәнни баттлда Казан медицина университеты аспиранты Ваге Маркосян җиңде.
ScienceTalks - яшь галимнәрнең фәнни ораторлык буенча көч сынашу чарасы ул. Монда алар үзләренең фәнни ачышлары, уйлап табулары турында гади һәм аңлаешлы телдә сөйлиләр. "Чыгышларда бернинди дә схема, таблица, аңлаешсыз сүзләр кулланмау - бу чарага кешеләрне күбрәк тарта,"- ди "Идея" технопаркы генераль директоры Олег Ибраһимов. Югары уку йортларының аспирантлары арасында бу беренче бәйге. Аның җиңүчесе -Ваге Маркосян, инсультның нинди куркыныч белән янауын, үз төркемнәре белән аңа каршы уйлап табылган, генетика терапиясенә нигезләнгән препарат турында сөйләде.
Нет комментариев