Югары уку йортын тәмамлаган белгечләр артыннан күзәтеп торачаклар?!

РФ Хезмәт һәм социаль яклау министрлыгы 2020 елның гыйнварында югары уку йортларын тәмамлаган яшь белгечләрнең траекториясенә күзәтчелек итәргә мөмкинлек бирә торган сервис эшләтеп җибәрәчәк. Бу хакта ТАСС агентлыгы хезмәт һәм социаль яклау министры урынбасары Всеволод Вуколовка сылтама белән хәбәр итә.

«Без махсус сервис булдырдык, ул киләсе елның гыйнварында эшли башлаячак һәм югары уку йортын тәмамлаган гражданинның кайда эшкә урнашуына күзәтчелек итәчәк», - диде ул.

Хезмәт һәм мәшгульлек федераль хезмәте башлыгы урынбасары Денис Васильев искәрткәнчә, бүгенге көндә кеше югары уку йортында алган күнекмәләрнең һөнәрнең үзенә караганда да әһәмияте зуррак. «Икътисадка ихтыяҗ системасы һәм күнекмәләргә булган тәкъдимнәр күзлегеннән карарга мөмкин», - дип саный ул.

Фото:https://pixabay.com/

 https://tatar-inform.tatar