Үзәк банк төп ставканы 10 процентка калдырган

Бу Үзәк банк Директорлар советының соңгы тугыз утырышында ставканың икенче тапкыр киметелүе.

Россия Банкының Директорлар советы 16 сентябрь көнне төп ставканы 0,5 процентка төшереп, 10 процентка калдырган. Бу хакта "Интерфакс" хәбәр итә.

Бу Үзәк банк Директорлар советының соңгы тугыз утырышында ставканың икенче тапкыр киметелүе.

Банкның хәбәрендә билгеләп үтелгәнчә, инфляциянең тотрыклы кимү тенденциясен ныгыту өчен ирешелгән төп ставка дәрәҗәсен 2016 елның ахырына кадәр сакларга кирәк. 2017 елның беренче-икенче кварталында ул тагын төшерелергә мөмкин.

2016 елда төп ставка беренче тапкыр июнь аенда 11 проценттан еллык 10,5 процентка кадәр киметелгән иде.

http://tatar-inform.tatar/