Игътибар! Татарстанда булырга мөмкин

Россия Федераль суд приставлары хезмәтенең Магадан өлкәсе буенча идарәсе 2012 елның 3 мартында туган Сергей Шмагинны эзли. Суд карары буенча аның әнисе белән яшәргә тиешлеге әйтелә. Ә әти кеше - 1972 елгы Василий Лысюк баласы белән билгеле сәгатьләрдә һәм әнисе яшәгән урында гына очрашырга тиеш була.

Әмма, тикшерү мәгълүматларында әйтелгәнчә, Василий Лысюк улы Сергей Шмагинны, әнисенә әйтмичә генә, үзе белән алып чыгып китә. Аларның Магадан аэропортыннан Мәскәүгә очулары билгеле. Баланың сәламәтлеге, яшәү урыны турында бернинди дә мәгълүмат юк.

Җирле тикшерү органнары Татарстанга да сорау юллаган. Әлеге кешеләр турында нинди дә булса мәгълүматы булучыларның хокук сакчыларына хәбәр итүе сорала.