Лениногорскилы мошенниклар тозагына эләккән

Ир-ат сөйләве буенча, ул Интернет челтәрдәге бер сайтта моторлы көймә сатылуы турында белдерү күрә һәм заказ бирә. Шуннан аңа шалтыраталар. Шалтыратучы кеше  үзен ваклап сату буенча менеджер дип таныштыра. Ул көймәнең техник яктан характеристикасын сөйли, бәясен һәм китерү шартлары белән таныштыра.

Аның белән сөйләшкәч, теге ир-ат көймәне сатып алырга була һәм товар бәясен тулысынча күчерә. Теге “менеджер” исә түләү килгәч, йөкне күзәтеп торыр өчен товар-транспорт накладной номерын җибәрәчәген әйтә.

Ир-ат мошенникларга 76 мең сумга якын акча күчергән. Товарны кулына алмагач, полициягә хәбәр итәргә булган. Үзенең алдакчылар корбаны булуын аңлаган.

Әлеге факт буенча җинаять эше кузгатылган.

Эчке эшләр бүлеге матбугат хезмәте

фото: pixabay.com