Тимәш авылында төзекләндерү эшләре бара

Тимәш авылында галим Габдерәхим Утыз Имәнинең төрбәсен реставрацияләү һәм капкаларны алыштыру эшләре төгәлләнгән.
Әлеге эштә нефтьчеләр ярдәм иткән.

Хәзер мәдәният йорты, авыл башкарма комитеты һәм актив авыл халкы белән зират коймасын буяу эшләре бара. 

Авыл башлыгы Халидә Сөләйманова әйтүенчә, вакыт табып булышырга килүчеләргә рәхмәт. Шулай ук буяу эшләренә яшүсмерләр дә булышкан, Артур, Кәрим, Арсений тырышып эшләгәннәр. 

“Зират коймасын бу атнада буяп бетерергә кирәк. Иртәгә  - җомга, 24 июльдә тагын чыгачакбыз, иртәнге 8.00 дә башлыйбыз. Теләүчеләр эшкә кушыла ала”, - ди авыл башлыгы.

фотолар: Х. Сөләйманова тарафыннан