Лениногорск мәктәбе укучылары республика мәктәп урманчылыкларының III слетында катнашты.
29-31 июльдә Кукмара районында республика мәктәп урманчылыкларының өченче слеты үтте. Анда безнең шәһәрдән 3нче мәктәпнең 8 сыйныф укучылары катнашты.
Әлеге слет урман хуҗалыгы министрлыгы тарафыннан республикада эшче һөнәрләр елы кысаларында үткәрелде. Безнең укучылар конференция барышында үзләренең фәнни-тикшеренү эшләрен тәкъдим иттеләр, "Урман эзтабарлары" эко-квестында беренче урын алдылар.
Укучыларга һәм команда җитәкчесенә дипломнар һәм кыйммәтле бүләкләр тапшырылды.
Фото: Мәгариф идарәсеннән
Нет комментариев