МӘГАРИФ
Россия Мәгариф министрлыгы дистанцион укуны даими итәргә җыенмый
Россия Мәгариф министрлыгы дистанцион укуны даими итәргә җыенмый, бу мәҗбүри чара гына. Бу хакта РИА Новости агентлыгы ведомство башлыгы Сергей Кравцовка сылтама белән хәбәр итә.
«Социаль челтәрләрдәге күп кенә төркемнәрдә һәм безгә белем алу һәрвакыт дистанцион режимда булачак дип язалар. Бу дөрес түгел. Без традицион белем бирү системасыннан беркайчан да баш тартмаячакбыз», - дип белдерде министр «Россия 24» телеканалына биргән интервьюсында.
Кравцов билгеләп үткәнчә, 12 төбәк коронавируска бәйле эпидемиологик вазгыять нормальләшү аркасында традицион белем бирүгә әйләнеп кайткан инде.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев