Нефтьчеләр йөзде

автор, 17 апрель 2012 - 10:39

1143

Ел саен "Татнефть" компаниясенең бүлекчә һәм бүлендек предприятиеләре арасында йөзү ярышлары үткәрелә. Быел да чираттагы йөзү ярышына килгән 120ләп нефтьче кабат "Юбилейный" бассейнында очрашты. Ярышны "Лениногорскнефть" идарәсе начальнигы урынбасары Рәис Галиуллин ачып җибәрде һәм нефтьчеләргә йөзүдә уңышлар теләде. Спортчыларны "Татнефть" профсоюз комитеты рәисе урынбасары Андрей Зимин сәламләп, үзенең хәер-фатихасын бирде....

Ярышны "Лениногорскнефть" идарәсе начальнигы урынбасары Рәис Галиуллин ачып җибәрде һәм нефтьчеләргә йөзүдә уңышлар теләде. Спортчыларны "Татнефть" профсоюз комитеты рәисе урынбасары Андрей Зимин сәламләп, үзенең хәер-фатихасын бирде. Әлеге җылы теләкләргә башкарма комитет җитәкчесенең социаль мәсьәләләр буенча урынбасары Владимир Друк кушылды.

Ярыш старт алганчы, кунаклар игътибарына Чаллы балалар синхрон йөзү төркеме күрсәтмә чыгыш тәкъдим итте. Аннан жюри әгъзалары спортчыларны йөзү тәртибе белән таныштырды һәм, ниһаять, ярыш җанатарларның көчле алкышлары белән башланып китте. Монда өч төркемдә ир-атлар һәм хатын-кызлар көч сынашты. Ярыш югары темплар белән узып, нәтиҗәләр таблода күрсәтелеп барды. Жюри әгъзалары һәр йөзүченең тизлеген секундомер белән карап, гадел бәя бирергә тырышты.

Барлыгы 25 йөзү ярышы оештырылып, 35 яшькәчә хатын-кызлар арасында "Лениногорскнефть"тән К.Бормотова һәм 35тән өлкәнрәкләр арасыннан О.Пархоменко II урынны алды. 40 яшьлек ир-атлар арасында иң яхшы нәтиҗәне А.Дьчков күрсәтте. "Лениногорск - РемСервис" спортчылары да йөзгә кызыллык китермәде. Икенче төркемдә 35 яшькәчә хатын-кызлар арасында К.Ожегина - IV, 40 яшькәчә ир-атлар арасында А.Кәримов - II урынны яулады.

Командаларга килгәндә, беренче төркемдә - өстенлек "Лениногорскнефть", II урын - "Елховнефть", III урын - "Әлмәтнефть" идарәсендә. Икенче төркемдә беренчелеккә - "Татспецтранспорт", II урынга - "ТАТИНТЕК", III урынга - "ТМС-Групп", ә өченче төркемдә I урынга - "ТН-АЗСцентр", II урынга - "Татнефть" АТПсы, III урынга - "ТатНИПИнефть" институты чыкты. Җиңүчеләр "Татнефть" җәмгыятенең Мактау грамоталары белән бүләкләнде.

Следите за самым важным и интересным в Telegram-каналеТатмедиа

Читайте новости Татарстана в национальном мессенджере MАХ: https://max.ru/tatmedia

Безнең Телеграм-каналга кушылыгыз: https://t.me/zamansulyshy

Оставляйте реакции

К сожалению, реакцию можно поставить не более одного раза :(
Мы работаем над улучшением нашего сервиса

Нефтьчеләр йөзде

Оставляйте реакции

Расскажите друзьям

Нет комментариев

Теги: Йљзњ